Unha treintena de socios e socias acompañaron o sábado á directiva da Asociación de Empresarios de Chantada e CCA Ribeira Sacra na cea de Nadal celebrada nos Pendellos. Á cea asistiron concelleiros de todos os grupos do Concello de Chantada, o alcalde, Manuel Lorenzo Varela, e o xerente do GDR Miño-Ulla, Javier Rodríguez Medela. O presidente da asociación, Iñaki Castiñeira, loubou ao rematar a cea a “boa saúde económica” do CCA Ribeira Sacra, que remata o ano con superávit, e agradeceu ás administración a súa axuda para facelo posible. Tamén salientou que este ano fixéronse máis campañas ca nunca e avanzou que, dado o éxito que tivo, o 5 de xaneiro de 2026 repetirase a cita da noite de Reis, “Lévacho un Rei Mago”.
Moitísimas grazas a tod@s por acompañarnos nunha noite tan especial!
